Siglir tar il cuntegn

Header

cuntegn

Surselva Burgais da Val S. Pieder sa defendan encunter Remo Stoffel

Ina gruppa da burgais da Val S. Pieder, ”ils burgais preoccupads”, ha prendì posiziun sin las differentas decleraziuns da Remo Stoffel, fatgas en la gasetta Tages Anzeiger.

Remo Stoffel ha ditg, ch'il hotel Therme eri ina spusa che nagin n'ha vulì pigliar en: "eine ausgelutschte todgeweihte Braut” Quai na saja betg uschia dian els. La spusa hotel Therme era ina spusa fitg attractiva, fan els da savair, che preschentava cifras nairas e che aveva reservas en furma da daners en cassa. Dapi igl onn 1996 sajan las cifras da pernottaziuns creschidas successivamain. Anc igl onn 2011 haja il cussegl d’administraziun dal hotel Therme scrit, che il hotel saja in dals meglier occupai hotels dal Grischun. Quai igl onn 2011, pia in onn avant che Remo Stofffel ha surpiglià il hotel Therme.

Anc 6 milliuns francs da pajar

Plinavant vegn reproschà, che Remo Stoffel e sia 7132 SA haja anc da pajar 6 milliuns francs a la vischnanca. Fin ussa ha Stoffel paja 1,7 milliuns per il hotel Therme. Il pretsch da cumpra è dentant 7,7 milliuns francs.

audio
Saira: Burgais da Val s. Pieder crititgeschan Remo Stoffel
ord Actualitad dals 29.04.2015.
laschar ir. Durada: 4 minutas 31 Secundas.

Quels 6 milliuns francs che mancan en per la halla polivalenta. Quai vul dir ils sis milliuns da la vischnanca plus anc ina giada sis milliuns da la 7132 SA astgan vegnir duvrai per in tala halla. Ma la halla na è anc adina betg bajegiada, ed il plaz nua che la halla avess gì da vegnir, quai plaz è ussa reservà per il parc da Tadao Ando.

Remo Stoffel sez ha prendì posiziun a scrit envers RTR. El ha renvià tut las reproschas che vegnan fatgas encunter el e sia interpresa.

Artitgels legids il pli savens