Uniun Grischuna d'artisanadi e mastergn infurmescha
Da principi èsi ussa cler, tge fatschentas che dastgan anc avair avert. Ussa datti dentant fatschentas nua che prestaziuns lubidas e prestaziuns betg lubidas vegnan offridas en las medemas localitads. Quellas fatschentas han sper las mangiativas ed urden dal mintgadi ch’èn lubids da vender anc auter urden sco vestgadira, urden da curtin, computers etc. Perquai èn ellas obligadas d'organisar il manaschi, uschia che la clientella sa cuntanscher sulet las partiziuns lubidas.
La vita va vinavant
In punct che vegn menziunà è che tut las lavurs e prestaziuns en il sectur dal commerzi, en l’industria ed en il sectur da servetschs n'èn betg pertutgads da restricziuns e pon uschia vegnir manads atras. Uschia n'èsi tenor infurmaziun da l’Uniun grischuna d’artisanadi e mastergn betg da quintar che la vita stettia airi dal tut en Grischun.