Siglir tar il cuntegn

Header

Navigaziun

Vista sin la Cadi dal Bostg sur Mustér.
Legenda: Vista sin la Cadi dal Bostg sur Mustér. mad
cuntegn

Cadi Nagin contact tranter presidents e deputads

La deputada ed ils deputads da la Cadi han envidà ils presidents da vischnanca da la Cadi ad in inscunter. Els deploreschan ch’i na dettia nagin dialog e barat d’ideas.

Ina da las finamiras da l’inscunter era da crear duas gruppas da lavur regiunalas cun mintgamai dus represchentants da las vischnancas ed ils deputads. Ord la discussiun eran dus temas sa cristallisads. Ina giada dueva quai dar ina gruppa da lavur cun il tema infrastructura turistica ed ina autra gruppa da lavur cun il tema futur dal stgalim superiur. Sco Gabriela Tomaschett-Berther, la pledadra dals deputads di, hajan las vischnancas gì temp da discutar la proposta en suprastanza, ma suenter quest temp saja sa mussà che l’interess per ina tala collavuraziun manchia. Il mument na sajan perquai en questa furma nagins inscunters planisads, di la deputada.

President da Mustér prenda posiziun

Robert Cajacob, il president da la vischnanca da Mustér, deplorescha ch’il barat d’opiniuns n’ha betg purtà dapli. Il contact cun ils deputads che sesan en il Cussegl grond a Cuera saja impurtants per la vischnanca. L’avantatg da Mustér saja ch’in con suprastant saja era deputà a Cuira ed uschia saja il barat d’infurmaziuns garantì. Per Robert Cajacob èsi dentant era impurtant ch’ils deputads s’engaschian en las vischnancas per il bainstar da tuts. Il barat tranter ils presidents saja dentant garantì ed era bun, accentuescha il president da la vischnanca da Mustér.

RR actualitad 12:00