Malencurada è insatge che tutga tuts insacur. In agid professiunal co ir enturn cun quella situaziun manca. Il bler sa chattan persunas en quella fasa suenter la mort d'ina persuna charezzada. Avant la mort èn ils muribunds e lur confamigliars savens sustegnids dal sistem palliativ. Suenter la mort restan ils confamigliars persul cun lur situaziun.
Agid professiunal
Sora Madlen Büttler ha fatg ina scolaziun da dus onns per accumpagnar persunas en malencurada. Ensemen cun Barbara De Giorgi, che fa actualmain la medema scolaziun, ha ella avert il café da malencurada. En in spazi protegì pon ils pertutgads lavurar vid lur malencurada e tristezza.
Malencurada ha blers motivs
Betg mo in mortori po evocar malencurada. Era la perdita da la plazza da lavur, ina separaziun da la lètg ni la perdita da la sanadad pon metter en moviment il process.
Finamira dal café da malencurada è, che las persunas chattan puspè enavos en la vita e pon era puspè sa legrar da quella.
RR actualitad 08:00