Surselva - Camathias: «Uras da surdar la batgetta»
Il president communal da Laax Toni Camathias na candidescha betg pli per ina ulteriura perioda d‘uffizi. Camathias è dapi igl onn 2006 president da la vischnanca da Laax.
Tenor constituziun pudess Camathias anc candidar per ina quarta ed ultima perioda d’uffizi. Sco quai ch'el ha ditg a RTR saja sia demissiun dentant bain ponderada. Per el saja simplamain uras da chalar suenter 14 onns en suprastanza, da quests 9 onns sco president. Dapli motivs na dovria quai betg.
