Il manischunz da 44 onns e sia accumpagnadra han la mesemna suentermezdi fatg in transport d'animals. Per montar chadainas da naiv ha il chauffeur bandunà il camiun suenter il spartavias da Luven. Il vehichel è sa mess en moviment ed ha cumenzà a glischnar. Per franar il camiun ha il manischunz empruvà da metter in cugn sut la roda – senza success. La cunautista è siglida or dal camiun e lez è l'emprim glischnà 50 meters sin via e suenter d'in rieven giu. Blessà e però vegnì nagin.
Per segirar il vehichel e per reglar il sviament dal traffic èn vegnids clamads ils pumpiers da Glion. Trais camiuns èn stads èn acziun per salvar il camiun ed els han pudì avrir la via la mesemna saira.
RR novitads 14:00