Surselva - Camiuns pon bainbaud cruschar sin via dal Lucmagn
La via dal Lucmagn vegn pli lada tranter Las Ruinas e la punt da Medel, tranter Mustér e Curaglia. La regenza grischuna ha approvà il project per curreger la via che n'è betg pli tenor las premissas ed ils standards actuals d'ina via principala.
Tranter auter vegn la via schlargiada tranter Las Ruinas e la punt da Medel sin ina ladezza da 6 meters ed il tunnel vegn engrondì sin in'autezza da 4,2 meters. Ils custs totals da l'entir project muntan a circa 31,5 milliuns francs.
