Dapi 36 onns organisescha la Colonna d'agid Cadi per uffants in champ da raiver. Ils uffants vegnan instruids da guids da muntogna cun experientscha, e manaders e manadras da giuventetgna e sport. Mintga stad fan enfin 60 uffants indigens e da la Bassa part al camp da raiver.
Durant in'emna passentan ils uffants lur vacanzas a Lai Alv en il territori da skis sin passa 2500 meters sur mar a Mustér. Durant questa emna dorman ils uffants en l'ustaria Lai Alv che vegn transfurmada per duas emnas en in dachasa. Il champ da raiver ha lieu duas emnas per uffants da 8 enfin 16 onns.
In paradis da raiver per ils pitschens
-
Bild 1 von 6. La gruppa da raiver durant la pausa da mezdi. Bildquelle: RTR.
-
Bild 2 von 6. L'ustaria Lai Alv è durant il camp da raiver il dachasa. Bildquelle: RTR.
-
Bild 3 von 6. Louisa è raivida sin il crap. Bildquelle: RTR.
-
Bild 4 von 6. Entant ch'ils uffants èn vid raiver, guardan ils manaders che tut funcziuna. Bildquelle: RTR.
-
Bild 5 von 6. Mintga ruta da raiver ha in'autra difficultad. Bildquelle: RTR.
-
Bild 6 von 6. Ils uffants n'han betg tema da l'autezza. Bildquelle: RTR.
La finamira dal champ è tenor il manader Otmar Venzin da betg mo mussar als uffants da raiver, mabain da mussar dal tut davart il viver en las muntognas. Sper la segirtad durant raiver emprendan els era bler dals culms, da fluras u era, co reagir en cas da privel.
Il pli bi è che nus essan in'emna sur 2500 meters sur mar e vesin, tge plaschair ch'ils uffants han da raiver, e tge svilup ch'els fan durant quell'emna.
Ils uffants èn da viadi en differentas gruppas. In manader u ina manadra è adina responsabel per radund 4 uffants. I vegn per part era fatg turas sin in piz – per exempel sin il Piz Ault.
Jojo
In raiva e tschel sa segira - quai na vala però betg tar il jojo. Qua pon omadus raiver il medem mument. Uschia saja il jojo ina da las modas preferidas da raiver per Jan e Louisa. Omadus èn liads vid la medema suga. Quai munta, cura ch'in va engiu, vegn tschel tratg ensi - in zic sco il giugaret jojo.
Il nuv dad otg
Il standard dals nuvs da raiver è il nuv dad otg. Ma co va quel? Quai mussa Louisa pass per pass.