Siglir tar il cuntegn

Header

cuntegn

Surselva Campadi Rein a Rueras: L’ustaria è averta l’enviern

A partir dal 1. da december pon giasts e curriders da passlung ir en l’ustaria dal Campadi Rein. Cristina Schmid e sia feglia Lea mainan l’ustaria.

Decisiun plitost spontana

Ellas sajan sa decididas spontanamain da surprender il manaschi dal Campadi Rein, din las duas dunnas. Cristina di ch’ella saja leda che sia feglia gidia ella. Ella haja respect da la lavur futura, schegea ch’ella haja gia lavurà pli baud en hotels, per exempel en il Waldhotel Pradaschier a Churwalden.

audio
Campadi Rein a Rueras: L’ustaria è averta l’enviern
ord Total local dals 30.11.2018. Maletg: RTR, Hubert Giger
laschar ir. Durada: 3 minutas 5 Secundas.

La Lea di ch’ella saja era sa decidida da midar chasa e da vegnir a star a Rueras. Ils ultims trais onns haja ella vivì a Cuira. Ella è creschida si a Tusaun e Churwalden. I saja in siemi da lavurar a moda creativa qua en las muntognas. Ella creescha cliniezs.

Rauba d'ustaria sin maisas.
Legenda: Las davosas preparativas avant l'avertura dal campadi. RTR, Hubert Giger

Era ina purschida per ils curriders dal passlung

L’ustaria dal Campadi Rein sa chatta sper la loipa. Ils curriders da passlung apprezieschan la purschida, sco Luis ed Otto Curschellas da Sedrun han ditg ad RTR. Quai surtut era, perquai ch’il sport da passlung vegnia pli e pli attractiv.

Il Campadi Rein.
Legenda: Il Campadi Rein. RTR, Hubert Giger

RR actualitad 11:00

Artitgels legids il pli savens