Marcus Weber e Samih Sawiris, ils dus presidents dals cussegls d’administraziun da las pendicularas Andermatt Sedrun Sport SA e da las Pendicularas Mustér SA, han suttascrit la cunvegna correspundenta.
Il pass datti sco abunament da la stagiun ma era sco carta da plirs dis. Tut las pistas da la Ski Arena Andermatt Sedrun e da Mustér sco era la viafier Matterhorn Gotthard davent da Mustér fin a Fiesch èn cumpraisas en quest pass da skis. L’abunament da l’onn custa tranter 800 e 900 francs per ils osps. Quant ch’il pass custa per indigens n’è anc betg conuschent.
RR novitads 17:00