Siglir tar il cuntegn

Header

L'object da 1915 che chaschuna discussiuns
Legenda: Questa locomotiva dal 1915 chaschuna grondas discussiuns. Viafier Retica
cuntegn

Cas da dretgira È la locomotiva vegnida engulada?

2015 è ina locomotiva vegnida transportada da la Bassa a Filisur. Uss pretenda in um che quella saja vegnida engulada ed el ha intervegnì fin a la dretgira federala.

2015 è ina locomotiva veglia da la Viafier Retica vegnida transportada dad Arth-Goldau a Filisur. Uss pretenda in um che quella saja vegnida engulada ed el ha intervegnì fin a la dretgira federala.

Igl è ina procedura pendenta.
Autur: Peter JosiPledader da medias da la dretgira federala

Viadi da Winterthur ad Arth-Goldau fin Filisur

Il recurrent fa valair, ch’el saja il possessur da la locomotiva veglia (1915). Quella era stada exponida a Winterthur davant il bajetg d’electrotecnica dal tecnicum. 2007 è ella arrivada a la staziun da la Viafier federala ad Arth-Goldau. Il 2015 è ella vegnida a Filisur. In’uniun vul restaurar ed exponer ella. Quai resulta dad in artitgel en la Luzerner Zeitung.

Ins na po betg discurrer dad in enguladitsch

L’um ha dentant fatg recurs a la procura publica dal chantun Sviz, pretendend che la locomotiva saja vegnida engulada – el saja il possessur. Ma la procura publica ha renvià il recurs. Alura è l’um sa drizzà a la dretgira chantunala dal chantun Sviz. Quella ha pretendì che la procura publica stoppia sclerir, a tgi che la locomotiva tutga. 2020 ha la procura publica constatà ch’ins na possia betg discurrer dad in enguladitsch e ch’il recurrent na saja betg il possessur. Quel n'ha dentant betg acceptà il verdict ed è sa drizzà danovamain a la dretgira chantunala – ma senza success.

Viafier Retica betg involvida

La Viafier Retica na saja betg involvida en quest cas, ha la pledadra da medias Yvonne Dünser ditg envers RTR. Els hajan dentant offert da deponer la locomotiva a Filisur. La finala sajan els era cuntents, sch’i vegnia sclerì tgi che saja il possessur per ch’ins possia lura restaurar ella.

RTR actualitad 11:45

Artitgels legids il pli savens

Scrollar a sanestra Scrollar a dretga