Siglir tar il cuntegn

Surselva Casa Depuoz prenda a tschains Hotel Cruna

En il Hotel Cruna a Trun abiteschan tschintg scolars da la classa da tscherna professiunala speziala da la Casa Depuoz.

Hotel Cruna a Trun
Legenda: Da nov abiteschan tschintg scolars da la Casa Depuoz en il Hotel Cruna a Trun ch'è serrà. RTR, G. Hosang

Ils scolars da la classa da tscherna professiunala speziala (BWK+) han abità l’onn da scola passà a Surrein. Sco quai ch’il manader da la Casa Depuoz, Matthias Gutmann ha ditg, n’era la chasa a Surrein betg adattada. «Igl era ina chasa veglia nua ch’ins udiva tut» declera Matthias Gutmann. Mo era la distanza tranter Surrein e Trun nua ch’ils scolars han scola n’era betg ideala. Perquai han ins tschertgà ed era chattà ina soluziun cun il Hotel Cruna a Trun. Il hotel porscha tut quai che la gruppa da scolars dovria per habitar.

La soluziun cun il Hotel Cruna saja buna per il proxim temp. A lunga vista pondereschia la Casa Depuoz u da cumprar in object u lura d’engrondir il bajetg existent.