La gronda sfida è da chattar persunal
Cun surpigliar la Casa Fausta Capaul a Breil han els realisà in siemi. Ella è la scheffa en il service, ses reginavel è la cuschina. Ma suenter trais onns è cler, ch'els na chattan betg ina persuna dal fatg, che pudess surpigliar tschertas lavurs.
audio
Malgrà success han ils gastronoms stuì decider da chalar
ord Actualitad dals 10.01.2023.
Maletg: RTR
laschar ir. Durada: 3 minutas 42 Secundas.
Igl è stà ina greva decisiun. Ma senza persunal qualifitgà na chattain nus betg la peda che nus duvrain per nossa giuvna famiglia.
Legenda:
Gastronoms cun corp ed olma
Tobias e Selina Lechmann-Albrecht en lur ustaria
RTR
Els hajan empruvà tut: Cun porscher dus mais vacanzas pajadas, be pli avrir l'ustaria durant tscherts dis, betg pli servir gentars: Ma tut haja gidà nagut. Al pèrin resta nagut auter che da chalar cun l'ustaria e tschertgar ina successiun.
I fa mal, cunzunt cunquai che nus avain ina ustaria che gira fitg bain. Ma uschia na pudain nus betg pli far vinavant.
Enfin il mars mainan els anc l'ustaria da renum a Breil. Els speran da chattar ina buna successiun. Lur plan è da restar en la Surselva e probabel era lavurar en l'avegnir en la gastronomia.