Siglir tar il cuntegn

Header

Casa Sogn Giusep cun sia terrassa.
Legenda: Casa Sogn Giusep cun sia terrassa. RTR, H. Giger
cuntegn

Surselva Casa Sogn Giusep organisescha in open air

«In open air in pau auter», quai è l’idea da quest eveniment sin la terrassa da la chasa da tgira e d’attempads a Cumpadials/Sumvitg.

Atgnamain vulevan els prender in pau pli patgific quest onn, di Esther Appenzeller, ina da las manadras da la chasa e da la tgira. Mo alura hajan els ponderà ch’i fiss bel d’organisar in concert sin lur bella terrassa, ed entaifer diesch minutas saja quai vegnì in open air ord in concert.

audio
Cumpadials: Open air en Casa S. Giusep
03:00 min, Total local dals 22.06.2016.
laschar ir. Durada: 03:00 minutas.

Stils differents

Il stil da musica è different - da chant e chantauturs fin rock. Esther Appenzeller sa che tut la musica na plascha betg a mintgin, mo questa varietad appartegnia a la vita. Impurtant saja ch’i dettia sentupadas tranter las generaziuns e surtut era ch’i saja ina pussaivladad da s’inscuntrar cun vegls enconuschents.

Preventiv da 20'000 francs

Il preventiv per l’eveniment sut tschiel avert munta a 20'000 francs. L’open air da la Casa Sogn Giusep vegn organisà ils 27 d’avust da la damaun da las 10:00 fin la saira da las 22:00.

Renconuschientscha cun certificat

Sco ina da las emprimas chasas da tgira e d’attempads ha la Casa Sogn Giusep survegnì il certificat da ISO 9001:2015. Ella ademplescha tut las pretensiuns da la norma en la tgira, finanzas ed administraziun, cuschina/nutriment, economia da chasa, tecnica e segirtad. En questa norma vegnan surtut era valitadas las schanzas d’ina chasa da tgira e d’attempads (tranter auter d'organisar eveniments da musica).

RR actualitad 11:00

Ils artists a l'open air

Avrir la box Serrar la box
  • Acabellos
  • scola da musica Glion
  • Annina Cadruvi
  • Alexi e Marcus
  • Stelser Buoba
  • Mattiu Defuns
  • Classic muments (Gion Tschuor)
  • Corin Curschellas
  • Ils Galiots
  • Black&White

Artitgels legids il pli savens

Scrollar a sanestra Scrollar a dretga