A Castrisch hai ars oz bun'ura curt suenter las tschintg en in tschaler d'ina chasa. Las radund 20 persunas ch'abitan en la chasa han pudì bandunar sez quella. La polizia suppona en emprima lingia ch'ina abitanta da la chasa ha mess intenziunadamain il fieu e sclerescha la causa da l'incendi, sco i ha num en la communicaziun.
15 pumpiers da Glion han stizzà il fieu, duas persunas èn idas tar il medi pervi da suspect d'ina tissientada da gas da chamin. Il donn material munta a plirs millis francs.