Siglir tar il cuntegn

Header

cuntegn

Surselva Casutt SA ponderescha da relaschar la mesadad dal persunal

L'interpresa da bajegiar Casutt SA da Falera annunzia ch’ella vegnia a reducir sias 70 plazzas da lavur per la mesadad. La firma saja vegnida sfurzada tar quest pass pervia da la situaziun economica, argumentescha Armin Casutt, il manader da fatschenta da la Casutt SA da Falera.

Il process da reducir las plazzas haja gia entschet. Ina part dals lavurers haja numnadamain survegnì contracts mo pli fin la fin da fanadur.

«Era sch'i vegnia anc bajegià sin differents plazzals da lavur, na tanschia quai betg per incumbensar vinavant tut il persunal», di Armin Casutt. il manader da fatschenta da la Casutt SA da Falera. «Quai èn be pli las ventschidas, suenter na datti nagut pli.» I na saja betg scrit ora lavurs en las vischnancas e perquai hajan els decidì da reducir la fatschenta per 50 pertschient.

audio
Mezdi: Casutt SA sto relaschar la mesadad dal persunal
ord Actualitad dals 01.05.2015.
laschar ir. Durada: 3 minutas 27 Secundas.
Tuts èn pertutgads: Davent dal cader fin tar il simpel lavurer betg scolà.
Autur: Armin Casutt manader da fatschenta Casutt SA

Casutt è persvas che autras firmas vegnan a stuair suandar ses exempel. Davent dal 2016 vegnia quai a tutgar tut las firma che han da far insatge cun la branscha da bajegiar.

Las mesiras prendidas tutgian tuts tar la Casutt SA: «Davent dal cader fin tar il simpel lavurer betg scolà, indigen ni er il lavurer da l’exteriur, tuts èn pertutgads da la reducziun da las plazzas», di Armin Casutt.

Artitgels legids il pli savens