Siglir tar il cuntegn

Header

Il center d’infurmaziun da l'AlpTransit AG a Sedrun mussa co il tunnel da basa dal Gottard è vegnì construì.
Legenda: Il center d’infurmaziun da l'AlpTransit AG a Sedrun mussa co il tunnel da basa dal Gottard è vegnì construì. RTR, L. Livers
cuntegn

Surselva Center d’infurmaziun AlpTransit vegn serrà

La vischnanca da Tujetsch ha decidì da serrar il center d’infurmaziun da l’AlpTransit a Sedrun la fin da l’onn 2016. Quai suenter ch’ella ha surpiglià quel la fin 2014 da l’AlpTransit. La raschun persuenter è ch’il public manca.

Durant var 20 onns han pliras tschientmilli persunas visità il center d’infurmaziun che mussa co il tunnel da basa dal Gottard è vegnì construì.

Dapi ch’il plazzal da la Neat n’è dentant betg pli a Sedrun saja il center d’infurmaziun ì en emblidanza, declera il president communal da Tujetsch, Beat Roeschlin. Ins haja fatg ponderaziuns co pudair mantegnair vinavant l’exposiziun e carmalar natiers glieud, ma i na dettia naginas soluziuns.

Era l’idea da metter l’exposiziun en il tunnel en las galarias preparadas per la Porta Alpina na saja betg stà in’opziun declera Beat Roeschlin.

Visualisaziun nua ch'il tunnel va sutora.
Legenda: Visualisaziun nua ch'il tunnel va sutora. RTR, L. Livers

L’exposiziun è in emprest. Ussa vegn quella puspè enavos tar la fundaziun SBB Historic. Sco la responsabla per las collecziuns Susanne Hofacker ha confermà vegnian ils exponats da Sedrun ina giada magasinai e conservai. Co e nua ch'ils exponats vegnan puspè accessibels a la publicitad n'haja la fundaziun anc betg decidì.

Artitgels legids il pli savens

Scrollar a sanestra Scrollar a dretga