Siglir tar il cuntegn

Header

Il center da transit «Bellavista» a Mustér.
Legenda: Il center da transit «Bellavista» a Mustér. RTR, Gionduri Maissen
cuntegn

Center da transit Mustér Pli paucs requirents d'asil - reducziun da capacitad

Il center da transit «Bellavista» a Mustér reducescha las capacitads. Sco il parsura dal Uffizi da migraziun dal Grischun Marcel Suter ha ditg sin dumonda da RTR, saja il motiv persuenter il fatg che las dumondas d’asil sajan sa reducidas marcant ils ultims mais. Uschia hajan els decidì da reducir la purschida e da metter a disposiziun mo 50 enstagl dals 100 plazs pussaivels.

Situaziun po sa midar svelt

Sco Marcel Suter ha dentant accentuà possia la situaziun sa midar svelt. Perquai na vegnia l'uffizi betg a serrar il mument centers en il Grischun ed er il persunal na vegnia betg reducì. Il persunal ch’era enfin uss a Mustér vegn repartì sin ils ulteriurs centers en il chantun. Ina persuna resta vinavant emploiada a Mustér ed er las guardias da notg restian vinavant, ha ditg Suter.

RR novitads 17:00

Ord l'archiv

Video
Ulteriurs centers d'asil a Mustér e Trimmis
Or da Telesguard dals 02.12.2015.
laschar ir