Siglir tar il cuntegn

Surselva Chametg destruescha stalla vida tar Laax

Ils 21 pumpiers da Laax e Falera n’hajan betg pli pudì salvar la stalla vida, communitgescha la polizia chantunala.

Stalla arda, vesì da pli dalunsch naven.
Legenda: Curt suenter las 20:00 èn vegnids alarmads ils pumpiers. mad

La sonda saira suenter las otg ha in possessur dad in mises infurmà la centrala da la polizia chantunala, ch'in chametg haja tutgà ina stalla vida en la localitad da Pardatsch sper Laax. L'um haja vesì flommas, ha scrit la polizia chantunala.

21 pumpiers da Laax e Falera eran spert en il lieu, n'han dentant betg pudì evitar che la stalla è arsa dal tut a fatg. Las investigaziuns da la polizia han mussà, ch'il chametg era vairamain la raschun per il fieu.

RR novitads 12:00