Siglir tar il cuntegn

Header

cuntegn

Champiunadi a Mustér «Parasgular è passiun» din Marc Demont e Remo Maissen

Uss èsi puspè uschè lunsch: Dals 18 fin ils 24 d’avust stat il campiunadi svizzer sin il program. Tranter 100 e 120 parasguladras e parasguladers prendan part dal Disentis Open.

Dapi il 2010 organisescha Mustér, respectivamain ils Surselva Flaigers, concurrenzas naziunalas ed internaziunalas da parasgular.

La patria da surengiu

La regiun da Mustér e conturn saja in lieu ideal per sgular. Quai din tant Marc Demont – ch'è en il comité d’organisaziun dal Disentis Open e fa er part al campiunadi svizzer – sco er Remo Maissen, che sgola dapi tschintg onns.

audio
Mezdi: Mustér è in lieu ideal per in campiunadi da parasgular
ord Actualitad dals 16.08.2019.
laschar ir. Durada: 3 minutas 17 Secundas.

Ins possia sgular en tut las direcziuns, las relaziuns da termica sajan bunas ed ins na vegnia betg periclità da ferms vents, di Marc Demont, che sgola gia dapi passa ventg onns. Per Remo Maissen èsi era spezial da pudair vesair l’atgna patria da surengiu.

video
Remo Maissen al Paraglide Swisscup 2019 Mustér
Or da Actualitad dals 23.08.2019.
laschar ir. Durada: 3 minutas 10 Secundas.

Ferms vents n'èn betg in problem

In factur impurtant per pudair sgular è l’aura. Ins na possia betg sgular, sch’il vent saja memia ferm ubain sch’i plovia.

Esser parasgulader vul dir ch'ins sto surpigliar responsabladad, vul dir: ins sto decider sez, sch'ins vul sgular u betg. Mo il parasgular n'è betg in sport per mintgin.

RR actualitad 11:00

Artitgels legids il pli savens