Siglir tar il cuntegn

Surselva Chanun è puspè en la fortezza

Sper las fortezzas Stalusa e Madernal davos vegn ussa era la fortezza Sur via restaurada e quai inclusiv il chanun.

Legende: Video A Mustér vegn ina nova fortezza restaurada. abspielen. Laufzeit 3:29 Minuten.
Or da Telesguard dals 27.06.2016.
L'Uniun Fortezia Stalusa mantegn trais fortezzas en la regiun da la Stalusa.
Legenda: L'Uniun Fortezia Stalusa mantegn trais fortezzas en la regiun da la Stalusa. RTR, G. Hosang

Actualmain è l’Uniun Fortezia Stalusa vid rugalar ina ulteriura fortezza en la regiun da la Stalusa. I sa tracta d’ina fortezza da la secunda guerra mundiala (1939-1945). Dapi 1995 è la fortezza vegnida messa ord funcziun. L’armada ha lura prendì ora tut las armas e tut material e surlaschà la fortezza a ses destin. Var 20 onns è nagin stà en la fortezza. Per l’Uniun Fortezia Stalusa è questa fortezza speziala perquai ch’igl è ina fortezza ha ina casamatta (la stanza nua ch’il chanuns èn) è directamain en il grip e na betg en in bajetg camuflà sco chalet, declera il co-president Thomas Hänggi.

Cun forzas unidas vegn la channa dal chanun montada.
Legenda: Cun forzas unidas vegn la channa dal chanun montada. RTR, G. Hosang

En lavur cumina han commembers da l’uniun puspè transportà in chanun antitanc en la fortezza ed han montà quest. Vinavant vegn refatg la fortezza uschè lunsch sco pussaivel sco quai ch’ella era antruras e fatg las lavurs da mantegniment ch’i dovra per che la fortezza na giaja betg en decadenza. Thomas Hänggi quinta cun custs da 15’000 fin 20’000 francs. Finanzià vegn quai entras donaziun, entradas per las guidas en las fortezzas e las contribuziuns da commembers. Avant dus onns è la fortezza Madernal davos vegnida averta per la publicitad, suenter ch'ella è vegnida restaurada.

Legende: Video Tura tras la fortezza «Sur via» abspielen. Laufzeit 4:28 Minuten.
Or da RTR dals 25.06.2016.

Gronda part commembers da la bassa

L’uniun dumbra var 100 commembers. Tenor Thomas Hänggi èn 2/3 dals commembers persunas da la bassa ed in terz èn indigens. Ils blers commembers èn fascinads da fortezzas. La fascinaziun per l’istorgia, la tecnica u era las armas èn las raschuns pertge che persunas or da l’entira Svizra èn commembras da l’Uniun Fortezza Stalusa e mettan a disposiziun lur temp liber per mantegnair las fortezzas. L’idea saja da vegnir tar dapli commembers indigens e cun il nov co-president Fredi Caminada saja l’uniun dentant sin buna via.