Siglir tar il cuntegn

Header

video
Nagin futur per la chasa Carigiet a Trun
Or da Telesguard dals 08.10.2019.
laschar ir. Durada: 3 minutas 15 Secundas.
cuntegn

Chasa Carigiet a Trun Spazzar la chasa – scenari realistic

La vischnanca da Trun na cumpra betg la chasa Carigiet. Ella n’è betg vegnida da sa cunvegnir cun ils possessurs da la chasa.

Cun la cumpra da la chasa leva la vischnanca da Trun mantegnair il maletg a l’entrada dal vitg.

Per l'entira parcella cun chasa e stalla ha la vischnanca offert ina summa da 250’000 francs. Il motiv daco ch'i na dat nagina cumpra n'è betg stà il pretsch da cumpra, mabain ils daners da la segirada da bajetgs. La segirada paja ina part da la summa dal donn sulet sche l'object vegn er puspè reconstruì. Quella summa da passa in mez milliun francs vuleva la vischnanca en cas d'ina cumpra per sasez. Dals tschintg proprietaris n'è in betg stà cuntent cun quella proposta. Uschia na vegn la chasa betg vendida.

La vischnanca avess survegnì pli blers daners da la segirada da bajetgs che quai ch’ella avess gì da pajar a nus per l'object. Nus avessan per uschè dir, regalà a la vischnanca tut ensemen plus 110’000 francs.
Autur: Brida Carigiet pledadra possessurs chasa Carigiet
La vischnanca ha mai gì l'intent da far gudogn cun quella fatschenta. Sch’ils possessurs han il sentiment ch’ins savess far gudogn cun la chasa, duessan els empruvar da vegnir tar investiders privats.
Autur: Dumeni Tomaschett president communal da Trun
audio
Saira: La chasa Carigiet vegn probablamain spazzada
ord Actualitad dals 08.10.2019.
laschar ir. Durada: 3 minutas 3 Secundas.

Spazzar è il mument in scenari realistic

Enfin la fin d’october ston ils proprietaris da la chasa ussa decider tge far cun quella. La probabilitad che quella vegn stgarpada giu anc avant la fin da l'onn è il mument gronda.

RR actualitad 12:00

Artitgels legids il pli savens