Chasa da scola a Valendau daventa in center dal Parc Beverin

La chasa da scola veglia a Valendau duai daventar in center dal Parc natiral Beverin. Quai ha la radunanza communala da Stussavgia decidì en ina votaziun consultativa.

La veglia chasa da scola a Valendau sa chatta sper la plazza da vitg cun la enconuschenta funtauna da lain. Bild in Lightbox öffnen.

Legenda da maletgs: La veglia chasa da scola a Valendau sa chatta sper la plazza da vitg cun la enconuschenta funtauna da lain. RTR, L. Livers

La vischnanca, la fundaziun "Valendau Impuls" ed il Parc Beverin pon ussa concretisar il project. Quel prevesa da sanar la chasa da scola veglia e dad endrizzar in'exposiziun. La vischnanca stuess sa participar cun circa 200'000 francs vid il project che custa total bun 900'000 francs. Davart i l credit definitiv sto il suveran da Stussavgia propabel decider l'entschatta 2016.

Il rest dals custs da sanaziun surpigliass il padrinadi Svizzer per vischnancas da muntogna. Ils custs per il center d’infurmaziun surpigliassan il parc natiral Beverin, la fundaziun Valendau impuls e differentas fundaziuns da la Bassa.

RR novitads 06:00