Siglir tar il cuntegn

Header

video
La vita en chasa da tgira durant la crisa da corona
Or da Telesguard dals 03.04.2020.
laschar ir
cuntegn

Chasa da tgira Sogn Giusep Il virus è omnipreschent – dentant er la cumpagnia

Schegea che las visitas da parentella èn scumandadas, emprova la chasa da tgira da far il meglier ord la situaziun. Cunzunt la cumpagnia ed in discurs avert è impurtant per il bainstar durant il temp actual.

Per Christina Tuor, ina da las manadras da la chasa da tgira Sogn Giusep a Cumpadials, èsi ina situaziun extraordinaria. Sut circumstanzas pli spezialas emprovan il persunal ed ils cussadents da mantegnair il ritmus dal di usità.

Brevs tut a dubel

Cunquai che visitas èn scumandadas, saja il dumber da brevs per ils cussadents creschida. La parentella veglia era en temps grevs restar en contact cun las persunas ch’ellas charezzian, cunquai ch’ina visita n’è betg pussaivla. Il persunal guardia ch’ils cussadents na crodian betg en l'isolaziun. Uschia promovan els la cumpagnia. I vegn malegià, chantà e discurrì bler. Ils cussadents, il persunal e la parentella mussian gronda solidaritad.

Il coronavirus fatschenta tuts

Tras las medias sajan ils cussadents tuttavia infurmads davart la situaziun extraordinaria. Medemamain sappian els era, ch’els sajan ina gruppa da ristga. Tras quai naschia dentant era la malsegirtad u schizunt la tema. Ins emprovia da prender ad els quella tema cun discurrer e sclerir la situaziun. Era tar il persunal dettia tscherts che sajan pli malsegirs pervia dal virus. Sco tgirunza u tgirunz na veglian ins betg purtar en il virus en la chasa ed en il mender cas infectar in cussadent. Il persunal haja uss perquai er ina responsabladad pli gronda.

RTR actualitad 07:00

Artitgels legids il pli savens

Ir a sanester Ir a dretg