Siglir tar il cuntegn

Header

audio
La chasa da vacanzas è tuttenina pli lunsch davent che usità
Or da Actualitad dals 13.05.2020.
laschar ir. Durada: 02:41 minutas.
cuntegn

Chasas da vacanzas Sche la chasa da vacanzas vegn tuttenina nuncuntanschibla

La crisa da corona ha chaschunà che possessurs da chasas en l’Italia èn tuttenina lunsch davent da quellas. Quai ch’era fin uss in viadi d’in zic dapli ch’ina ura è tuttenina in viadi betg lubì. Uschia va quai cun ils possessurs da chasas dasper il Lago Maggiore.

Anc betg cler, cura ch’ins po puspè ir

Per la famiglia Spescha che posseda ina chasa da vacanzas 16 kilometers davent dal cunfin ad Oggebbio èsi cler, che strusch ch’il cunfin avra, vegnan els puspè ad ir en vacanzas en lur chasa, era sche tut è serrà.

Per la famiglia Cavegn che posseda ina chasa a Cannobio strusch 6 kilometers davent dal cunfin èsi era cler, ch’els van puspè, cura ch’igl è avert. E Flurina Cavegn mira d'in di a l'auter. La crisa da corona haja mussà, che quai saja la suletta via da mirar – mo a curta vista.

Buns vischins valan bler

Omaduas famiglias han vischins che miran da las chasas. Uschia hajan ins ina segirtad che tut saja en urden, dian tant Armin Spescha sco era Flurina Cavegn. Ma encrescher laschan omadus, pertge la primavaira è quasi il pli bel temp da l’onn sper il lai e lezza è uss finida. Tuttina quinta Armin Spescha da pudair ir anc la fin da matg ubain l’entschatta da zercladur en sia chasa a far vacanzas.

RTR actualitad 08:00

Artitgels legids il pli savens

Ir a sanester Ir a dretg