Siglir tar il cuntegn

Header

audio
Chasa da lain da glina – nova filosofia da construir
Or da Actualitad dals 21.09.2021.
laschar ir. Durada: 3 minutas 46 Secundas.
cuntegn

Chasas or da lain Lain glina – duai promover il bainstar

Construir chasas tenor aspects ecologics è ina sfida. A Trin ha l’architect grischun Roland Auer realisà ina tala chasa e quai cun lain da glina. Per el è la metoda betg sulet agreabla per viver, mabain era pli effizienta. Ils elements per ina tala chasa vegnan construids gia ordavant ed alura ston quels suletamain vegnir montads sin il bajetg. Pli paucas persunas che stoppian alura anc far insatge al lieu e pli effizient ed economic ch’ina tala chasa possia vegnir construida.

video
Ina construcziun da chasa che va cun la glina
Or da Telesguard dals 21.09.2021.
laschar ir. Durada: 3 minutas 28 Secundas.

Ina savida quasi svanida

Per Roland Auer èsi impurtant che la savida da construir chasas ord da lain na svaneschia betg. Ma simpel na saja quai betg stà e bleras interpresas n’hajan betg pli questa savida, di l’architect grischun. Ina sumeglianta experientscha ha era l’anteriur skiunz Daniel Albrecht fatg avant intgins onns. El ha era vulì construir ina tala chasa, ma fin ch’el aveva chattà persunas idealas ha quai cuzzà tschintg onns. Per megliurar quai ha el sez fundà ina interpresa che promova la construcziun da chasas da lain da glina.

Ord l'Archiv

Gia l'onn 2017 è il Telesguard sa fatschentà cun il lain da glina.

RTR actualitad 12:00

Artitgels legids il pli savens