Siglir tar il cuntegn

Header

audio
Chauns da protecziun: Soluziun grischuna
Or da Actualitad dals 26.06.2020.
laschar ir. Durada: 03:37 minutas.
cuntegn

Chauns da protecziun Chantun prenda sez enta maun las hottas

Il chantun Grischun n’è betg cuntent cun il sistem da chauns da protecziun da la Confederaziun. Ussa surprenda il chantun sez l'organisaziun.

La decisiun da la Confederaziun da betg acceptar ils chauns Anatols sco terz raz da chauns da protecziun è stà il motiv final per la decisiun da far in agen program da protecziun da muntaneras.

Dapli pussaivladads

Ils purs grischuns san en l'avegnir decider schebain els vulan participar al sistem da la Confederaziun, nua che mo ils dus razs da chauns Montagne des Pyrenées e Maremano Abbruzese en lubids, u sch’els vulan participar al program dal chantun Grischun nua ch'igl è pussaivel da duvrar er auters razs. En tut datti enturn 50 razs che valan sco chauns da protecziun per quel diever.

Dapli custs per il chantun

Cun la midada da sistem creschan ils custs per il chantun. Ils custs en connex cun la protecziun da muntaneras che vegnan quintadas sur la confederaziun en finanziadas per 80% da quella. Ils custs che crodan al chantun en quel sectur dentant mo per 30%. La differenza sto il chantun finanziar sez.

Cumplitgà u betg – Tar ils responsabels van las opiniuns in ord l'auter tge sistem ch'è pli effizient:

Mai fai surstar ch’il chantun bajegia si in sistem ch’è pli cumplitgà che quai che la Confederaziun metta a disposiziun.
Autur: Reinhard Schnidrigresponsabel tar l'uffizi federal per l'ambient
Il sistem da la Confederaziun è fitg birocratic e dovra ina massa temp. Anc pli cumplitgà che lez na san ins strusch far quai
Autur: Marcus Caduffcusseglier guvernativ, chantun Grischun

La Confederaziun sto approvar il concept dal chantun Grischun. Quel duai ir navend da l'auter onn en vigur.

video
Chauns da protecziun cunter il luf
Or da RTR Social dals 23.06.2020.
laschar ir

Artitgels legids il pli savens

Scrollar a sanestra Scrollar a dretga