Siglir tar il cuntegn

Header

video
Emprender co ir enturn cun chauns da protecziun
Or da Actualitad dals 29.03.2016.
laschar ir. Durada: 1 minuta 44 Secundas.
cuntegn

Surselva Chauns da protecziun n'en betg per charsinar

Datti en la val Medel lufs? Na, anc betg. E tuttina èsi prest da quintar ch'in luf pudess vegnir en la val Medel. Perquai han Dominik Waldmeier ed Eveline Hauser dapi il december dus chauns da protecziun per lur muntanera da chauras.

Ils chauns che protegian las muntaneras daventan magari sez in problem per viandants, velo ciclists e chavaltgaders.

Per evitar da quellas confruntaziuns han Eveline Hauser e Dominik Waldmeier envidà da visitar lur bain puril per en spezial emprender d’enconuscher ils dus chauns da protecziun Orka e Falk da la rassa Montagne de Pyrénées. Var 40 persunas en stadas a Curaglia sin il bain puril Pali.

Las persunas en avant stalla e taidlan il referat da Jan Boner il responsabel dal Plantahof per ils chauns da protecziun.
Legenda: Avant ch'entrar en stalla da las chauras che vegnan protegì dals chauns, hai dà in'instrucziun per ils visitaders. RTR, L. Livers

Il chaun Orka han els strusch vis, lez na scheva betg plaschair tanta glieud. Il segund chaun, il Falk è sa preschentà da sia meglra vart. Cun el han ils visitaders pudì emprender la funcziun ch'il chaun da protecziun ha insumma.

Quai ch’ha fatg surstar bain inqualin è, ch’ils chauns da protecziun lavuran tut senza cumonds. Igl è sulettamain l'instinct che di al chaun tge ch'el duai far per sia muntanera. El vesa sia muntanera sco famiglia e protegia quella famiglia da tut quai ch’el manegia che pudess esser malsegir.

audio
Chauns da protecziun en betg per carsinar
ord RTR Audio dals 29.03.2016.
laschar ir. Durada: 4 minutas 58 Secundas.

Jan Boner dal Plantahof ha mussà als visitaders co sa cuntegnair vers ils chauns da protecziun. Sco persunas che van a viandar dentant era sco possessur d’in auter chaun. Als possessurs da chauns ha el cusseglià da guntgir muntaneras che vegnan protegidas da chauns, mo uschia possian ins evitar conflicts.

Artitgels legids il pli savens