Siglir tar il cuntegn

Header

cuntegn

Surselva Chavacristal, pastur e gastronom

Nova purschida turistica en la Val Lumnezia: Michael Flepp porscha vacanzas sin l'alp. Ils giasts gidan da pertgirar las nursas e vegnan instruids da chavar cristals.

audio
Val Lumnezia: Chavacristal, pastur e gastronom
ord Total local dals 10.07.2017. Maletg: RTR, Linus Livers
laschar ir. Durada: 3 minutas 23 Secundas.

El haja adina pli e pli paucas nursas e chauras sin l'alp Serenastga, e perquai emprova Michael Flepp da crear novas entradas per sia alp. El fa quai cun porscher vacanzas sin l'alp. Il pastur daventa hotelier ed animatur, cun in program d'aventura da chavar cristals.

Mo uschè simpel n'èsi lura tuttina betg. La tegia d’alp da Serenastga ha plaz per trais fin quatter persunas. Michael Flepp vuless dentant dar dimora a fin ocht persunas. Per quai intent ha el bajegià trais chistas che servan sco plaz da durmir. Michael Flepp è da l'avis ch'ins sentia en questas chistas la natira pura. Quai ch'el po en mintga cas garantir è ch'i restia sitg.

La purschida «cristal clar» prevesa aventuras da dus e trais dis. La purschida da dus dis custa 300 francs e quella da trais dis 450 francs. Sin il program stat ina visita en il furn da cristals, là nua che Michael Flepp ha chattà l'onn 2000 in dals pli gronds cristals en las alps. Plinavant vegn mintga participant a pudair ir sin il Péz Regina ch'è quasi il piz chasa da l’alp Serenastga.

RR actualitad 11:00

Artitgels legids il pli savens