Surselva - Chavacristals sa disgrazia al Piz Schigels
Al Piz Schigels sur Sumvitg è sa disgrazià in chavacristals. Sco quai che la polizia chantunala communitgescha, saja l'um da 79 onns vegnì annunzià la sonda sco sparì suenter che quel n'era betg pli turnà a chasa sco fatg giu.
En il decurs da la sonda han la polizia e la Rega lura lantschà in'acziun da tschertga. Cun agid dad in'ulteriura chavacristals hajan ins chattà l'um en il territori grippus. Tenor las primas enconuschientschas è quel crudà radund 10 meters en la profunditad ed è latiers sa blessà mortalmain.