Siglir tar il cuntegn
Inhalt

Surselva Chor d'uffants Sumvitg - nov er per uffants da sis fin otg onns

Il nov onn da chant 2016/2017 dal chor d’uffants Sumvitg porta intginas midadas. Quai tant en la direcziun dal chor sco era en la purschida. Quai resorta d’ina communicaziun a las medias.

Il Chor d'uffants Sumvitg sin tribuna durant il concert a la Fiasta federala d’accordeon a Mustér.
Legenda: Il Chor d'uffants Sumvitg durant il concert a la Fiasta federala d’accordeon a Mustér. mad

Promover il plaschair da chantar

Sco Flavia Walder di, hajan geniturs dumandà savens, sch’i na fiss betg pussaivel che uffants sut nov onns pudessan chantar en il chor. Uss saja ella madira per porscher chant ad uffants da sis fin otg onns. Uschia possian els promover pli baud il plaschair da chantar e vegnian er pli simpel tar uffants per il chor.

Sustegn en la lavur cun ils uffants

La dirigenta Flavia Walder survegn sustegn da Marina Bearth da Sumvitg sco assistenta musicala. Ella frequenta la Scol’auta da pedagogia a Cuira e ha sezza chantà blers onns en il Chor d’uffants Sumvitg. La teatrista Marina Blumenthal da Morissen vegn engaschada per dar paisa al moviment. Finamira è uschia er da scolar novas persunas ch’èn prontas da surprender in di il chor.

Midadas en la suprastanza

Suenter sis onns ha Patrick Schaniel da Sumvitg demissiunà sco president dal chor. Ses successur è Gion Hosang da Mustér. Nova en suprastanza è era Stefania Bearth da Rabius. Ella remplazza Brida Fry.

Il Chor d'uffants Sumvitg

  • fundà il 1998
  • ca. 40 chantaduras e chantadurs da nov fin 15 onns
  • Finamira è da promover il plaschair per chant e ritmica e da far emprimas experientschas cun star avant il public.
  • Il repertori tanscha da chanzuns popularas fin a chanzuns da rock e pop, e quai en rumantsch ed en autras linguas.