La Nassa, l’Allianza dal chant svizzer en l’America dal nord, organisescha la festa da chant 2021. Per quest eveniment tschertga il chor Surselva chantaduras e chantadurs.
Almain 35 chanduras e chantadurs
Sco il dirigent dal chor Surselva Rest Tuor di sajan els in chor da project che sa cumpona adina da nov puspè. Ins s’obligheschia per in program. A la festa da chant en Canada veglia el ir cun in chor da qualitad.
Era per las chantaduras ed ils chantadurs èsi pli empernaivel sch’ins ha collegas dasperas ch’ins na sto sa mudregiar da tegnair la vusch.
Perquai dovria quai almain 35 chantadurs (s:10, a:12, t:6, b:7) per far part da quest project. Mo sco Rest Tuor di duai surtut era il viadi far plaschair.
Ina chanzun cun ragischs svizras
Quest viadi vegn organisà da la Salranch-Tours da Fred Salvisberg. El viva dapi passa 40 onns sco pur en Canada e fa era part dal comité d’organisaziun da la festa. A la concurrenza dastga mintga chor chantar ina chanzun da pag.
I sto esser ina chanzun cun ragischs svizras, ed ella sto esser en onur dals quatter linguatgs svizzers.
Chantaduras e chantadurs pon s’annunziar per il project da la festa da chant en Canada 2021 enfin la fin d’avrigl 2020. Las emprovas cumenzan alura il schaner da l’auter onn.
RTR Total local 11:45