Siglir tar il cuntegn

Header

Navigaziun

Purtret da Christian Capaul.
Legenda: Christian Capaul daventa nov president dal club da golf da Sagogn SA. MAD
cuntegn

Surselva Christian Capaul daventa nov president dal club da golf Sagogn

A chaschun da la radunanza generala ha il club da golf da Sagogn SA elegì in nov president. Sco successur da Leo Cathomas che aveva abditgà è Christian Capaul vegnì elegì.

Sper Leo Cathomas èn era Reto Gurtner ed Anne Bindschändler extrads dal cussegl d'administraziun. Els vegnan remplazzads da Sandra Chistell Omlin, Wolfgang Gruber e Jürg Spitz. Martin Vonmos che aveva medemamain candidà n'ha betg survegnì las vuschs necessarias.

Quint approvà

La radunanza ha approvà unanim il quint annual da manaschi da la Golf Schluein-Sagogn SA che serra tar entradas dad 1,9 milliuns francs cun in cashflow da 425'000 francs. Suenter amortisaziuns da strusch 420'000 francs resta in gudogn schuber da 6'000 francs.

Stabiliments da la chasa dal club vegnan supigliads

L'onn 2020 è planisà che la Golf Schluein-Sagogn SA surpiglia ils stabiliments da la chasa dal club per la summa da 5,35 milliuns francs. Per preparar quella fatschenta per la proxima radunanza è vegnì elegì ina cumissiun preparatorica.

RR novitads 18:00