Siglir tar il cuntegn

Header

cuntegn

Surselva Circus Nock va a Breil

Dapi passa 50 onns è il Circus Nock stà a Mustér. Mo uss na vegn el betg pli.

Sco la pledadra da medias dal Circus Nock Mina Seiler ha ditg ad RTR, hajan els stuì bandunar Mustér. Il plaz nua ch’els eran staziunads, il parcadi da las pendicularas, vegn duvrà per in ressort da vacanzas. Els hajan era tschertgà alternativas a Mustér, mo chattà nagut - era a Trun betg.

audio
Bunura: Circus Nock vegn en l’avegnir a Breil enstagl a Mustér
ord Actualitad dals 27.11.2015.
laschar ir. Durada: 2 minutas 39 Secundas.

La finala, suenter ch’ina persuna da Breil haja udì in rapport en RTR sur da la situaziun a Mustér, haja Breil dumandà els sch’il Circus Nock veglia vegnir là. Quai ha il president communal Clau Schlosser confirmà ad RTR. Tenor el è l’argument impurtant, che Breil haja ina purschida dapli la stad.

Guardar cun il transport

Uss vul la famiglia Nock guardar co quai è a Breil. Guardar stoppian els era, co quai giaja cun il transport, surtut tras il vitg stretg da Danis. Mo sco Mina Seiler di, sajan lur manischunzs endisads da manevrar.

Suenter Breil cuntinuescha la turnea dal Circus Nock a Flem, a Cazas e lura vinavant sur il pass dal San Bernardino vers sid.

Artitgels legids il pli savens