Cirquit curt - Lumnezia è stada senza electricitad

Per in'ura e mesa è ina part da la Lumnezia stada questa saira senza electricitad. Tenor la Repower è la forza electrica crudada ora curt avant las 16:00 perquai ch'in vehichel agricul è collidà cun ina suga da francar d'ina pitga dal conduct electric. Quai ha chaschunà in cirquit curt vi da la lingia da 16 kilovolts. Pertutgadas èn stadas 430 clientas e clients a Degen, Uors, Surcasti, Tersnaus e Sogn Martin.