Là nua ch'i ha spazi liber han ils giuvens architects fatg l'emprova d'occupar quel cun las pli differentas chaussas. In project ha fatschentà spezialmain. La punt che maina sur il Rain, ch’è en possess da la vischnanca da Glion dapi ch'i dat il sviament per Glion, quella punt sto en l'avegnir vegnir sanada u forza perfin remplazzada.
Ulteriurs plazs ch'envidan da planisar
- Areal Mundaun
- Areal Maissen
- Crappa grossa
- Staziun da Glion
- Punt sur il Rain
Sch'i va tenor ils visitaders da l'exposiziun d'architectura, lura duai quella punt daventar la nova chasa da la citad da Glion. La punt pudess survegnir tetg, quai aveva ella gia pli baud, sco punt da lain. La punt duai daventar in lieu da sentupada, era quai han las persunas pli veglias raquintà: che la punt haja servì sco lieu da partenza per tut las cattavegnas.
Gion A. Caminada
Ils giuvens students d'architectura enturn Gion A. Caminada èn sa mess a la lavur ed han creà visiuns utopicas, ma era chaussas realisablas. Vis giu da la punt sur il Rain, èn quasi tut ils auter areals en maun da persunas privatas, uschia ch'ils impuls tge far nua, ston l'emprim cuntanscher quellas persunas.