Siglir tar il cuntegn

Header

video
Tempo 30 dapertut a Glion ha retard, in sbagl è capità
Or da Telesguard dals 10.12.2021.
laschar ir. Durada: 1 minuta 50 Secundas.
cuntegn

Citad da Glion Entras sbagl da publicaziun vegn tempo 30 retardà

La vischnanca da Glion vul introducir tempo 30 sin l'entir intschess da la citad da Glion. Pervia d'in sbagl cuzza tut dentant intec pli ditg.

Il chantun ha publitgà il «Project sanaziun da canera» ils 28 da schaner 2021 en il fegl uffizial dal chantun. Ils plans èn sinaquai vegnids exponids ils proxims 30 dis a Glion sin chanzlia. Uschè lunsch tut en urden, di Roger Stäubli, responsabel dal chantun per quest project. Mo la vischnanca ha per sbagl betg publitgà quella exposiziun en il fegl uffizial da la regiun, pia en l'organ uffizial da la vischnanca da Glion. Entras quai sbagl è ina part da la populaziun betg vegnida orientada.

La correctura

Sco Carmelia Maissen, la presidenta da la Vischnaunca da Glion ha detg, vegni danovamain a dar ina publicaziun insacura il schaner. Cun la pussaivladad da far durant 30 dis recurs. 

Entras quest sbagl vegn l’introducziun dal tempo 30 retardada, autras consequenza na dettia dentant betg.  

audio
A Glion fraina in sbagl tempo 30 cumplain
ord Actualitad dals 10.12.2021.
laschar ir. Durada: 3 minutas 38 Secundas.

 

RTR novitads 06:00

Artitgels legids il pli savens

Scrollar a sanestra Scrollar a dretga