Ils davos 3 onns è Clau Schlosser stà vicepresident. En discurs hajan pliras persunas dumandà el, pertge ch’el na candideschia betg per il post da president communal. Pervia da quai sustegn ord la populaziun haja el la finala decidì da candidar.
Elecziuns dal cussegl da vischnanca
Sper il president vegn era elegì il cussegl da vischnanca che sa cumpona da 13 persunas. La constituziun communala pretenda sis commembers dal vischinadi da Breil, tschintg dal vischinadi da Danis/Tavanasa e dus dal vischinadi da Dardin.
Legenda:
Clau Schlosser.
ANR, H. Huonder
Per ils 13 posts datti gest 13 candidats da tut ils trais vischinadis. I n’è pia betg da far quint cun in grond cumbat electoral. Las elecziuns han lieu ils 10 da matg.
RR novitads 17:00