Claudia Käch cumenza sia nova incumbensa ils 3 da december 2018.
Da l'hotel en l'ospital
Claudia Käch ha frequentà l'emprim la scola d' hoteliera a Losanna. Suenter ha ella studegià a l'universitad da Turitg scienza d'economia da manaschi. Dapi l'onn 2010 lavura ella sco directura d'ospital. Quai ha ella fatg en differents lieus, sco per exempel a Zofingen, nua che l'ospital è integrà en l'ospital chantunal da l'Argovia.
Lavurà en plirs ospitals en Svizra
Ils ultims onns ha ella manà ils ospitals da Friburg sco directura generala, ina corporaziun cun l'ospital chantunal da Friburg e quatter ospitals regiunals. Quella plazza ha ella bandunà il favrer da quest onn e quai en enclegientscha vicendaivla. Claudia Käch è plinavant en la suprastanza da la reuniun dals directurs d'ospitals svizzers.
La nova directura dal «Spital regiunal Surselva» viva en la regiun da Zofingen ed è mamma da dus figls creschids. A media vista quinta ella da sa chasar en Surselva.
RR novitads 17:00
