Siglir tar il cuntegn

Header

Vista sin la claustra da Mustér.
Legenda: Il convent da Mustér po festivar Pasca sulet davos portas serradas. Keystone
cuntegn

Claustra da Mustér Ils servetschs divins sur Pasca èn stritgads

Pli ruassaivel che giavischa èsi ils proxims dis da Pasca en la claustra da Mustér. Ch’ils servetschs divins scrodan, è la consequenza da cas da Covid-19.

Che la claustra ha cas da corona, ha l’avat Vigeli Monn ditg sin dumonda da la FMR. Ma els hajan fortuna en da disfortuna. Ils quatter seniors sajan vaccinads, e tar ils pertutgads sajan ils sintoms levs.

Er en ses sectur da hotellaria na po la claustra betg recepir giasts ils proxims dis. La scola che cumenza puspè ils 12 d’avrigl, na duai tenor l’avat Vigeli betg esser pertutgada. Tant en scola sco era tar ils paders e fraters magisters ed il persunal – hajan els fatg repetidamain tests il davos temp.

Igl è uss gia la segunda festa da Pasca ina suenter l’autra, che la claustra da Mustér na po betg porscher servetschs divins publics. L’onn passà aveva la claustra offrì ils servetschs divins via live-stream – quest onn desista ella da questa purschida.

Nagin servetsch divin da Pasca cun l'orgla gronda:

video
Orgla da la baselgia claustrala a Mustér è restaurada
Or da Telesguard dals 27.05.2020.
laschar ir

RTR novitads 06:00

Artitgels legids il pli savens

Scrollar a sanestra Scrollar a dretga