La stalla ha chattà in lieu en trais nischas da fanestras en suler, nua ch’ins va da la stgala da rusari si en baselgia da Nossadunna. Quell'idea hajan il frater Fridolin e Letizia Berther gì, sco l’avat Vigeli ha ditg ad RTR. Els dus han alura era mess ensemen e repartì las scenas. Quellas èn repartidas sco suonda: giudim èn ils trais sontgs retgs, entamez ils pasturs ed ils animals sin la prada e sisum la naschientscha da Jesus cun Giusep e Maria, l’asen ed il bov.
Collavuraziun cun la plaiv da Mustér
Il pignol da Nadal è gia mess si en baselgia da Nossadunna. La vigilgia da Nadal vegn festivada en la baselgia da Nossadunna, la messa tarda ed era la messa dals 25 da december èn en la baselgia da son Gions da la plaiv da Mustér. Mo la festa da Nadal 2020 pon ils conventuals da la claustra da Mustér festivar puspè en l’atgna baselgia.
RR actualitad 08:00