Siglir tar il cuntegn

Header

cuntegn

Claustra Mustér Frar Magnus mort cun 81 onns

La claustra da Mustér ha annunzià la mort da Frar Magnus sin lur pagina d'internet. Tenor l'annunzia ha el gì ina malsogna nuncurabla. El saja mort cun 81 onns.

Il benedictin, scolast e graficher da renum è spartì en la claustra da Mustér. Frar Magnus ch’era naschì sut il num da Marcel Raymond Bosshard è ì cun 48 onns en la claustra da Mustér. Là ha el, tranter auter, dà scola al gimnasi.

Avant era frar Magnus in graficher ed agent da reclama da renum internaziunal. Sia lavur tar agenturas haja manà el sco «creative director» davent da Berna, sur Frankfurt, Madrid, New York, Tokio e finalmain enavos a Berna e Turitg. El haja accumpagnà marcas sco Pampers, Meister Proper u Camel. Ed er la vatga da Milka è ina da sias creaziuns.

Frar Magnus lascha enavos ses fegl Michael or da sia lètg divorziada.

Frar Magnus, fotografà l'avust 2022.
Legenda: Frar Magnus en sia cella claustrala, l'avust 2022. Jaromir Kreiliger
audio
Per tadlar: las novitads da las 12:00
ord RTR Audio dals 26.11.2022.
laschar ir. Durada: 5 minutas 16 Secundas.

RTR novitads 12:00

Artitgels legids il pli savens

Scrollar a sanestra Scrollar a dretga