Siglir tar il cuntegn

Header

audio
Tir champester: visita ad ina veglia tradiziun svizra
Or da Actualitad dals 31.05.2021.
laschar ir. Durada: 02:59 minutas.
cuntegn

Club da pistolas Cadi Cundiziun, ruassaivladad ed in bun egl

La fin d’emna passada èn tiraduras e tiradurs sa preschentads al tir champester. Quest eveniment popular ha ina lunga tradiziun en Svizra, gia il 1872 è stada l’emprima concurrenza.

Sajettar sin 25 meters

Era en il stan da sajettar a Sars-sut / Fontanivas en la vischnanca da Mustér han commembras e commembers dal Club da pistolas Cadi absolvì il program da 18 sajets sin 25 meters. Il resultat maximal è 180 puncts.
Ma era cun resultats da 176 (Rico Duff) ubain 174 puncts (il record da Peter Schneider) pon ins esser cuntent.

Ina tiradura e dus tiradurs en acziun
Legenda: Ina tiradura e dus tiradurs en acziun RTR, Hubert Giger

Ina dunna che sajetta dapi quasi 30 onns cun pistola è Marlis Oertli. Per cuntanscher in bun resultat dovra quai tschertas premissas. Sch’ins vegnia sin il stan da sajettar ch’ins saja agità, haja quai ina tscherta influenza sin in resultat.

Cundiziun, ruassaivladad ed in bun egl.
Autur: Marlis OertliTiradura

Rico Duff , ch'è gia sa qualifitgà per il final svizzer da sajettar cun pistola, di ch’el treneschia duas giadas ad emna. Per el saja quai in hobi.

Per Herbert Wetzel, il president dal Club da pistolas Cadi, che ha tranter 55 e 60 commembras e commembers activs e passivs, èsi dapli ch’in hobi.

Ins ha fatg militar per sa defender, sch’i vess da dar ina giada insatge.
Autur: Herbert WetzelPresident dal Club da pistolas Cadi
I dat models differents da sajettar
Legenda: I dat models differents da sajettar RTR, Hubert Giger

Il tir champester: tradiziun, sport e hobi. La finala èn ils exercizis dentant era ina pussaivladad da star da cumpagnia. E sco Herbert Wetzel ha ditg, saja quella vegnida in pau a la curta durant il temp da la pandemia.

RTR actualitad 07:00

Artitgels legids il pli savens

Scrollar a sanestra Scrollar a dretga