Siglir tar il cuntegn

Surselva Clubs da golf Breil e Sagogn collavuran pli stretg

Sco ils dus clubs communitgeschan a las medias, vegnan cunzunt junioras e juniors enfin 18 onns a profitar da quella collavuraziun. En l'avegnir pon els giugar sin omadus plaz senza custs supplementars.

La chasa dal club da golf Buna Vista Golf Sagogn.
Legenda: La chasa dal club da golf Buna Vista Golf Sagogn. RTR, C. Albin

Tenor ina communicaziun a las medias dals dus clubs da golf Buna Vista Golf Sagogn e Club da golf Breil, vegnan ils clubs a collavurar pli stretg en l’avegnir. La collavuraziun cumpiglia quatter puncts:

  • Junioras e juniors enfin 18 onns dals dus clubs pon giugar sin omadus plaz senza custs supplementars.
  • Commembras e commembers a dretg cumplain d’in dals dus clubs pon cumprar ina carta da l’onn senza restricziuns da l’auter club ad in pretsch pli favuraivel.
  • Golfists che cumpran ina carta dal di sco visitader tar in dals clubs survegnan in rabat da 50% sin ina carta dal di tar l’auter club.
  • Tar il diever da las maschinas per tgirar las plazzas da golf duain vegnir tschertgadas sinergias.