Clutger baselgia da Trun ha patì dal stemprà «Niklas»

Il stemprà «Niklas» ha buffà davent ina part dal tetg dal clutger baselgia da Trun. Las parts dal tetg èn sa tschentadas sin plazza Cadruvi.

La baselgia da Trun ch'è serrà. Bild in Lightbox öffnen.

Legenda da maletgs: Il mument na dastgan ins betg ir en baselgia. RTR L. Livers

I sa tracta da radund 30-40 meters quadrats arom ch’èn suflads davent. Ch’i n’haja dà nagins blessadas saja in grond cletg, ha il president da vischnanca Dumeni Tomaschett ditg. Ussa emprovian ins da segirar il tetg restant. Sche quai na gartegia betg, stoppia il santeri vegnir serrà sur Pasca.

Dersch 1000 meters cubic laina

En il cirquit forestal da Valsot en l'Engiadina Bassa ha l'orcan Niklas dersch entaifer paucas minutas enturn 1000 meters cubic laina. Quai ha ditg il selvicultur Antonin Hugentobler a l'agentura da novitads rumantscha ANR.

Per consequenza stoppian ins probabel stritgar in u l'auter dals tagls planisads per quest onn. En sasez vulev'ins tagliar en cirquit forestal da Valsot prest 10’000 meters cubic.