Per exempel quella da Gion Giusep Casanova da Vrin ed intgins cumpogns che gievan cun lur instruments a sunar en la Val Blegn, ubain autras da Lumnezians e Gualsers che gievan sur la Greina, il Cuolm Val, la Fuortga Cavel ubain il Güner Lückli. Las istorgias èn squitschadas sin quadrels da lain en ils linguatgs rumantsch, tudestg e talian.
Laschar reviver temps passads
Cun questas istorgias pon ins laschar reviver temps passads. E na betg mo quai. Per emprender d’enconuscher puspè ils vischins da las autras valladas han il curatur da l’exposiziun Beat Gugger e la manadra da la Casa d’Angel Anne- Louise Joël cumpiglià in program accumpagnant.
Concert a Vrin
Persunas da Sursaissa, Val Sogn Pieder, Valrain e Stussavgia vegnan sin visita; ed ils 24.09.2016 datti in concert a Vrin cun ina gruppa da la Valle di Blenio.