Siglir tar il cuntegn

Header

cuntegn

Surselva Collavuraziun tar las uniuns da chant sursilvanas

Il District da cant Surselva e l’Uniun ceciliana Surselva han per l’emprima giada organisà communabel il camp da chant public.

Preschents al camp eran var 35 chantaduras e chantadurs. Daniel Pally da la cumissiun da musica dal District da cant Surselva è cuntent cun il dumber. I dettia en egl che sch’il camp vegnia organisà en la Foppa, lura vegnian chantaduras e chantadurs da la Foppa. Sch’i vegnia organisà en la Cadi lura vegnian plitost quels da la Cadi. Tenor Daniel Pally n’è quai dentant betg l’idea. La finamira fiss ch’i dessi ina maschaida. Giavischadas fissan era persunas che n’èn betg en in chor, per encuraschar da chantar en in chor. Era quai n'è prest betg il cas. Daniel Pally è dentant optimistic che quai grategia lu era anc.

Collavuraziun tranter las uniuns da chant en Surselva

La raschun per l’organisaziun communabla è ch’i dat be paucs chors cecilians che n’èn betg commembers dal District da cant Surselva, ha ditg Albert Spescha, il president da l’Uniun ceciliana Surselva. Perquai fetschia quai senn da collavurar sin differents secturs. Uschia per exempel cun organisar il camp da chant public ubain sco l’onn passà cun organisar in barat da musicalias per ils dirigents.

Artitgels legids il pli savens

Scrollar a sanestra Scrollar a dretga