Siglir tar il cuntegn

Header

cuntegn

Surselva Colliaziun dals territoris da skis Mustér e Sedrun avanza

La regenza ha approvà la revisiun da la planisaziun locala da la vischnanca da Tujetsch. La populaziun ha però anc d'approvar in credit, e la lubientscha da bajegiar dovri era anc.

La regenza grischuna ha approvà la planisaziun locala che la vischnanca da Tujetsch aveva decidì il matg passà. Uschia è la via fullada per la colliaziun dals territoris da skis da Mustér e Sedrun – quai en mintga cas sin nivel da la planisaziun. Gia avant avevan las vischnancas da Mustér e Tujetsch approvà la planisaziun.

Per il project concret da la pendiculara previs per la colliaziun da la staziun a val «Salins» cun la staziun da muntogna «Cuolm da Vi» datti anc la procedura da la dumonda da bajegiar. Era il credit previs sto anc vegnir approvà da la populaziun da Tujetsch.

Da vart dals responsabels saja tut pront per la nova pendiculara, uschia il directur da las pendicularas Mustér, Rudolf Büchi. Er en ils discurs cun las organisaziuns d'ambient sajan ins sin buna via, uschia Büchi vinavant.

RR novitads 09:00

Artitgels legids il pli savens