La via dal pass da l'Alpsu è stada serrada durant quatter uras. La raschun saja ina collisiun tranter in velocipedist ed in töffist. Il velocipedist, in um da 38 onns, saja anc mort al lieu. Il töffist, in um da 34 onns, saja en l'ospital. Quai scriva la Polizia chantunala en ina communicaziun a las medias.
Il velocipedist aveva sa participà a la cursa Tortour Ultra. Entaifer dus dis ston ils ciclists da cursa far 1’000 kilometers che mainan sur plirs pass en Svizra – e quai senza stop. Quella tura hajan ins entant rut giu.
Daco che l'accident è capità n'è anc betg cler. La Polizia chantunala e la procura publica investigheschan.