Il temp d’advent e da Nadal è il temp nua che bleras uniuns da chant e musica sa presentan cun concerts. Suenter che quels concerts èn crudads l'onn passà en l'aua, sa preparan quest onn blers chors e societads da musica da realisar concerts. La situaziun actuala cun cifras d'infecziuns che creschan, pudess quai dentant er quest onn crudar en l'aua, il davos mument.
Concerts gia annulads
La scola da musica da la Surselva ha annullà il concert planisà la fin da november. Era il chor viril da la Lumnezia desista dal concert planisà.
Nus survegnivan mintga di annunzias d’uffants ch'eran infectads cun il virus. Nus avain constatà ch’i na fa nagin senn da sfurzar insatge e cunzunt betg dar fieu a la situaziun.
Exercitar enfin la fin
Bleras uniuns mainan vinavant ils exercizis cun la speranza da pudair sa preschentar al concert final. Avant che dar giu ils concerts spetgan ils chors e las uniuns da musica sch’il Cussegl federal relascha novas perscripziuns che scumondan da far concerts.
Nus avain la speranza da pudair realisar il concert. Igl è cumbinà cun in «aber» e quel vegn forsa la finala dad isch en ed alura stuain nus dar giu il concert.